sozecatel_51 в Для православных
feofan_feofanov в Братья и сестры! Давайте помолимся!Господи Исусе Христе, Боже наш, приими усердное моление наше и благослови благое намерение и дело рабов твоих Марины с сотрудники, яже благополучно начати, и без препятия всякаго ко славе твоей совершити. Делателем благопоспеши и дела рук исправи, и в совершение силою пресвятаго твоего Духа спешно произвести сотвори! Твое бо есть, еже миловати и спасати ны, Боже наш, и тебе славу возсылаем, со безначальным твоим Отцем, и пресвятым и благим и животворящим твоим Духом, ныне и присно и во веки веков.
Господи Боже Великий Царю, Безначальный!
Посли, Господи, Архангела Твоего Михаила на помощь рабе Твоей Марине изъяти ю от враг ея видимых и невидимых.
О, Господень Михаиле Архангеле! демонов сокрушителю: запрети всем врагам борющимся с нею, сотвори их, яко овцы и сокруши их, яко прах пред лицем ветра.
О, Господень Великий Архангеле Михаиле! Шестокрылатый первый княже, воеводо небесных сил Херувим и Серафим. О, угодный Михаиле Архангеле, буди ей помощник во всех делах в скорбях, печалях; в пустынях, на распутьях, на реках и на морях - тихое пристанище. Избави ю, Великий Михаиле Архангеле, от всяких прелестей диавольских, егда услыша мя грешнаго раба своего (имя) молящегося тебе и призывающаго имя твое святое: ускори на помощь ей и услыши молитву мою.
О, великий Архангеле Михаиле! Победи вся противящееся ей силою Честнаго и Животворящаго Небеснаго Креста Господня, молитвами Пресвятыя Богородицы и святых апостолов, святаго пророка Божия Илии, святителя Николая Чудотворца, святаго Андреа юродиваго, святых великомучеников Никиты и Евстафия, преподобных отец и святых святителей, мучеников и всех святых Небесных сил. Аминь.
